- هذا البطبوط كيجي بنييييييين و هذه العجين ديال البطبوط المعتمدة عندي و كل مرة باش كنعمره هذه المرة عملته بالبطاطس هذه الحشوى أخدتها من كتاب نادية الجهري لي المملحات و ضفت عليها بعض التعديلات و رجعات معتدة عندي بطبوط معمر بالبطاطس و الفرماج
مقادير الحشوة :
- 750g بطاطس مسلوقة
- الملح و ممعوسة وهي باقة سخونة 6 قطع من الفرماج المثلث
- 3 حبات بصلة مشلض
- 2 فصوص ثوم محكوك
- معدنوس مقطع
- بدرة الثوم المجفف
- بدرة البصل المجفف
- كامون
- تحميرة
- إبزار
- هريسة
- ملح
- زيت العود
- نشحر البصل مع الثوم و الملح و زيت العود حتى تلين
- ثم نضيف الهريسة و الكامون و التحميرة و الإبزار و بدرة الثوم و البصل المجففين نخلط الكل جيدا
- ثم نضيف المعدنوس نخلط الكل جيدا
- ثم نضيف البطاطس و نشحر الكل مبعض حتى تندمج كل العناصر مع بعضها البعض
- ثم نضيف الفرماج و نخلط جيدا مع الإستمرار في التشحار حتى تندمج العناصر جيدا ثم نترك الحشوة تبرد
مقادير العجين :
- 200g دقيق سبيسيال
- 200g دقيق حرش
- 200g دقيق رطب
- 30g بدرة الحليب
- 20g خميرة المعجونة
- 1 م ص سكر
- قليل من الملح
- 2 ك ك ماء دافئ
- نخلط كل العناصر مع بعض تم ندلك العجين جيد حتى نحصل على عجين لينة تكون مرخوفة شوية
- نعمل من العجين كويرات نذهنها بالزيت
- نبسط العجين قليلا و نضع و سطها قليل من الحشوة ثم نلفها كما في الصور نكرر العملية حتى إنتهاء العجين و الحشوة
- بعد ذالك نقرص البطبوط بي دقيق الفينو و نغطيه و نخليه يخمر مزيان
- من بعد ميخمر كنطيبه في مقلات مع الذهن مرة مرة بالزبدة حتى يطيب و يتحمر
- بالصحة والراحة
ليست هناك تعليقات:
إرسال تعليق