مقادير :
- طريفات الكرشة
- طريفات الرية
- طريفات القلب
- طريفات البلعوم
- لمصران مضفور
- طريفات لحم الراس (إختياري)
- بصلة كبيرة مطحونة
- 6 أو 8 حبات ثوم مطحونة
- ربيطة قزبر مطحونة
- معدنوس مطحون
- 1 م ك تحميرة
- زعفران
- نصف م ص قرفة
- نصف م ص كامون
- م ص معمراش سكنجبير
- رشيشة خرقوم
- نصف م ص إبزار
- 2 ورقات الرند أي ورق سيدنا موسى
- ملح حسب الدوق
- نصف كأس زيت بلدية
طريقة تحضير :
- خلطت الجميع وخليتها تقريبا 45 دقيقة على ما وجدت الكبدة وحيدتها من فوق المجمر
- نزلتها على المجمر وغطيتها وخليتها تتشحر على خاطرها ومن بعد زدت الحمص مرطب من قبل ليلة كاملة فالماء والملح ومرقتها وسديت عليها وحيت على الفحم خدات تقريبا ساعتين على نار مهيلة
- هاهي الكرشة أوتقلية بالحمص بنينة بزااف واجدة خليت المرقة تختر وحيدت الفائض من الزيت وقدمتها جات لذيذة بزاف
- بالصحة والراحة
